編註：本文以台語漢羅書寫，為108學年度下學期洪伯邑老師與簡妤儒老師合授之〈食物、農業與社會〉課程成果。
嚴天寧（食物、農業與社會修課學生）
學術價值毋干焦佇讀冊。豆包是我來台灣以前毋捌食過的食物，若無，我一直真好玄，伊到底對佗位來的？所以，咱今仔日愛離開教室，追蹤嬰嬰歪歪的路頭。除了我今仔日ē予逐家在座朋友以外，我嘛有來去看這三間工廠，就按呢，毋才有法度加減比較一下。第一，是中和區加工工廠。第二是桃仔園較傳統ê豆皮工廠，毋過伊ê規模傷細一屑仔，較無適合。第三是台灣屏東縣豆包工廠。
（圖片來源：作者提供）
（圖片來源：作者提供）
咱今仔日ê報告會對台灣人第一擺拄著黃豆開始，彼著是進口商佇網路頂懸，用著加拿大黃豆出口商的資料。所以，咱今仔日欲討論的內容，攏齊是黃豆佇台灣的生產過程，所以加拿大佇田園的穡頭，我免講。佇遐，咱會當看會出來，科學思想佮食物科學的表現。佇線頂，有種類無仝的黃豆，毋過親像是彼个進口商干焦咧買一款黃豆。我有聽人講，一樣米飼百樣人，若無，應該講，百樣黃豆飼百樣人。
（圖片來源：作者提供）
這張相片毋是我家己翕的，我無遐爾有閒，通去高雄為著翕一張相片爾爾。台灣一直是倚靠貿易的國度。佇高雄港口，出出入入的產品有五花十色，實在䢢䢢滾。佇全球化的台灣經濟內底，免講，港口著是必要的部分，豆皮的原料嘛是按呢毋才會進入台灣。
（圖片來源：經濟日報、SQC）
紲落來，豆仔予人送到台南的進口商公司。這是大統益股份有限公司。這家公司，除了黃豆的買賣，嘛有咧做黃豆加工。伊運送中心佇台南附近，應該是全台灣上大一間。接著人客訂單，𪜶外包紲落來一項穡頭，共黃豆送到各地客戶。
（圖片來源：作者提供）
這个工廠是九十年代建立的，自從對拄起頭時，生產完全機械化。頭家娘兩個人，是姊妹仔，𪜶阿母嘛是仝這个所在嘛是咧做黃豆品的加工。了後，著是工廠。代先，愛予黃豆浸水。佇這張相片內底，咱的看會出來頭家娘檢查浸好好勢的豆仔的水分。就按呢，毋但予豆仔增加水分，嘛會予伊洗予清氣，真正是一兼二顧，摸蜊仔兼洗褲。每一工，自從透早𪜶無閒咧舞這，逐工規个過程會來三解kái。
（圖片來源：作者提供）
這是能源的來源。工廠後壁有這个足大火烙。有一間運送公司提廢柴仔送伊。火柴仔毋是免錢的，著是足俗。這个火烙夭壽燒，你若是奇佇伊附近，無偌久，你規身軀連鞭著愛流大粒汗，細粒汗。
（圖片來源：作者提供）
了後，著是正常的豆奶過程，毋過，愛做kah厚。到今，台灣食物經濟攏進入工商階段。進前，可能愛靠耕牛的氣力，駛石磨。今日，機器共黃豆磨落來，繼續生產豆奶。豆奶予人斟入誠淺的盤內底，豆奶池頂懸會凝一个膜膜，一个膜著是人食的豆皮。
（圖片來源：作者提供）
豆包做好好勢了後，予人送到這間房間。內面的溫度會較kē。等到伊一冰起來，才共包裝好勢。這的工廠大部分是倚靠供應某一个連鎖超級市場來趁錢，毋過直簫嘛是有lah。上頭仔，槊仔袋仔彼个，是欲直簫的，後遍彼个槊仔盒仔內底是欲送到某一个連鎖超級市場。
（圖片來源：作者提供）
這是桃仔園運送中心。各地頭產品會送到遮，了後，會予人送到連鎖店各地分店。
（圖片來源：作者提供）
遮是人客拄著產品的平常情景。佇冰箱內底，產品攏齊包裝好，下跤有價值，人客干焦佇愛無仝品牌中間選伊所佮意的。一下納錢，著會當紮物件轉去怹兜煮食。
（圖片來源：作者提供）
路尾，著是人客佇厝內煮飯的情景。豆包有各種煮食方法。遮的阿姨佇鼎仔內面，先加油、加嫩薑，了後共手擦的豆包，囥入去，上尾是加豆油摻辣醬。我拄開始的時，我真正干焦是欲來翕幾个相片，看一下台灣人是按怎煮食，毋過逐家嘛知影台灣人足有人情味的，尾仔伊嘛予我摻怹兜做伙食飯，所以這項研究真正有食閣有掠。
（圖片來源：作者提供）
其他〈食物、農業與社會〉課程成果
留言